Sonte, e diel, në Teatrin e Gjilanit vjen shfaqja “Lule Sajza”

Sonte, e diel, ora 20:00 n’Teatrin e Gjilanit vjen shfaqja “Lule Sajza” me regjisor Endri Çela | produksion nga Teatri Eksperimental “Kujtim Spahivogli” – Tiranë

Regjisor: Endri Çela

Interpretojnë: Rajmonda Bulku, Adriana Tolka dhe Valentina Myteveli

Për herë të parë në teatrin shqiptar, vjen një premierë në formën e teatrit dokumentar. “Lule Sajza” sjell dëshmi të të mbijetuarve të kampit të Tepelenës. Histori të vërteta, gati të pabesueshme. Në formën e një teatri dokumentar vjen përmbledhja e dëshmive personale të të mbijetuarve në kampin e Tepelenës.

“Lule Sajza” ka për strukturë historitë personale që nga momenti i bastisjes nga shtëpitë, te vendosja në kampin e Beratit dhe, më pas, në atë më famkeqin, në kampin e Tepelenës. Një kalvar i gjatë vuajtjesh e gjurmë plagësh që mbart historia jonë shqiptare.

Autor: Përmbledhje e dëshmive të të mbijetuarve nga kampi i Tepelenës. (Përmblodhi: Endri Çela)

Në bashkëpunim me “Institutin e Studimeve për Krimet dhe Pasojat e Komunizmit”. Bazuar dhe frymëzuar nga shkrimet e Agron Tufës, Lek Pervizit, Fatbardha Saraçit (Mulleti) dhe Kastriot Dervishit. /2LONLINE/