Sokol Haliti uron Fehim Abazin për detyrën e re

Kryetari i Komunës së Vitisë, Sokol Haliti, ka pritur dhe uruar bashkatdhetarin Fehim Abazi me rastin e marrjes së detyrës së re si Kryetar i Komunitetit Musliman Shqiptar në Zvicër.

Abazi, i cili njëkohësisht shërben edhe si imam në Qendrën Shqiptare për Integrim, Kulturë dhe Religjion në Lausanne, është vlerësuar për kontributin dhe përkushtimin e tij në ruajtjen dhe promovimin e vlerave fetare, kombëtare dhe kulturore të shqiptarëve që jetojnë në Zvicër.

Me këtë rast, kryetari Haliti shprehu mbështetjen dhe vlerësimin e tij për punën që Fehim Abazi po bën në shërbim të komunitetit shqiptar. /2LONLINE/