Sokol Haliti kujton artistin, Zija Aliu

Një muaj pa njeriun e mirë e artistin e madh, Zija Aliu.

U bënë një muaj prej se kemi humbur njërin nga personalitetet më të shquara, jo vetëm, të Komunës së Vitisë, Zija Aliu.

Familja, bashkëpunëtorët dhe mbarë shoqëria kanë mbetur pa familjarin e devotshëm, pa njeriun e mirë, pa humanistin e afaristin dhe pa artistin e madh.

Zija do të mbahet mend përgjithmonë si një person i hareshëm, energjik dhe i sinqertë.

Kontributi i tij në fushën e artit është i jashtëzakonshëm. Ai luajti rol të madh në krijimin, promovimin dhe ruajtjen e vlerave kulturore. Sidomos njihej gjithandej si ikonë e vallëzimit.

Mirënjohës për jetë për Zija Aliun.

Me respekt,
Kryetari i Komunës së Vitisë
Sokol Haliti