Smaka: Nuk ekziston dispozitë në Kushtetutë, që, nëse nuk zgjidhet kryekuvendari të shkohet në zgjedhje

Njohësi i Kushtetutës, profesori Riza Smaka, gjatë një prononcimi të shkurtër që ka dhënë për gazetën “Bota sot”, në pyetjen se nëse nuk zgjidhet kryetari i Kuvendit të Republikës së Kosovës, të premten, atëherë si do të veprohet, është përgjigjur se edhe pse në Kushtetutë nuk ekziston dispozitë e cila në raste të tilla do të përcaktonte shpërndarjen e Kuvendit dhe shpalljen e zgjedhjeve, mbetet vetvetiu i domosdoshëm dhe i pashmangshëm, ku virtuelisht do të kuptohej se kjo legjislaturë nuk është e aftë për ti ushtruar obligimet kushtetutare.

“Edhe pse në Kushtetutën e Republikës së Kosovës, nuk ekziston dispozitë, e cila, në rast të tillë do të përcaktonte shpërndarjen e Kuvendit dhe shpalljen e zgjedhjeve të përgjithshme, ky solucion mbetet vetvetiu i domosdoshëm dhe i pashmangshëm nga se virtuelisht do të argumentohej se kjo legjislature nuk qenka e aftë për tu funksionalizuar dhe për t’i ushtruar obligimet kushtetutare e ligjore”, thotë profesor Riza Smaka.