Skuadra të forta evropiane po mendojnë për Rashicën

Milot Rashica pa dyshim që është një nga zbulimet më të mëdha që kanë dalur nga Kosova. Sulmuesi kosovar, që nga transferimi i tij në Evropë ka shkëlqyer si në Holandë ashtu edhe në Bundesligë.

Paraqitjet e tij fantastike si me Kombëtaren e Kosovës, ashtu edhe me skuadrat e tij kanë bërë që vlera e tij të rritet vazhdimisht në treg.

Kështu që disa skuadra të mëdha evropiane kanë filluar interesimin për të. Prej kohësh ishte diskutuar në mediat italine një transferim i tij i mundshëm tek Milani, skuadër kjo që monitoronte formën e tjj vazhdimisht.

Por pas Milanit, interesim për të kanë shprehur edhe Liverpool dhe Aston Villa nga Premier League, atje ku thuhet se madje edhe mund ta bëj kalimin e tij të madh Rashica.

Por një pistë tjetër mund të jetë edhe Munichu, me Bayernin që edhe në bazë të sygjerimeve nga ish-lojtarët e klubit e ka vendosur Rashicën në “radarin” e tij.

Mbetet të shihet se ku do të jetë e ardhmja e tij, por një gjë është e sigurtë, Milot Rashica do të luaj në një klub të madh vitin tjetër.