Skuadra kosovare transferon ish-mesfushorin e West Ham United

Skuadra e Istogut ka zyrtarizuar transferimin e super mesfushorit, Mërgim Qarri. Mërgimi ka luajtur për skuadrat evropiane si: West Ham United (U-23), Morecambe FC, Aldershot (U-19), Ytterhogdals IK.

Së fundmi Qarri ishte pjesë e ekipit suedez Ytterhogdals IK në Divizionin e Dytë të Suedisë.

23 vjeçari është mesfushor ofensivë, luan me këmbën e djathtë, shquhet për pasime tepër të sakta, gjithashtu ka goditje të forta dhe të sakta.

Mërgimi në ndeshjen miqësore përballë Dardanisë shkëlqeu në fushë, duke shënuar një eurogol nga largësia dhe duke e fituar një penallti.