Në të gjitha shkollat e vendit, sot nuk u mbajt mësim në orën e parë të paradites dhe po ashtu do të veprohet në orën e parë të ndërrimit të pasdites.
Kështu ka vendosur Sindikata e Arsimit, si shenjë pakënaqësie për mos fillimin e zbatimit të Kontratës Kolektive, që është dashur të zbatohej nga 1 janari i këtij viti. Masat sindikale do të ashpërsohen nëse nuk realizohen kërkesat e punëtorëve të arsimit, thonë drejtuesit e sindikatës.