(S)’ka drejtësi edhe pse e kërkojnë të gjithë atë!

Të gjithë i kanë sytë tek drejtësia, e jo pa arsye i kanë sytë tek drejtësia, sepse shpeshherë nuk gjejnë drejtësi. Jemi mësuar të diskutojmë këtë pafundësisht, takohemi me gjyqtarë, diskutojmë për nevojën dhe domosdoshmërinë e dhënies së drejtësisë, takohemi me prokurorë, diskutojmë për këto çështje, futemi në një institucion shëndetësor dhe aty kërkohet drejtësi, shkojmë në arsim qoftë ky i mesëm apo i lartë kërkohet drejtësi, edhe ata që janë të mbyllur brenda mureve të burgut kërkojnë drejtësi duke dërguar letra edhe tek Ministri i Drejtësisë, por edhe në zyrën time, tha kryeprokurori i shtetit Aleksander Lumezi.

Sipas tij Prokuroria e Shtetit, është duke e forcuar komunikimin me të gjitha ato palë që shkruajnë për sistemin e drejtësisë, për ti vlerësuar shqetësimet e tyre, por edhe për të vlerësuar veprimet e bartësve të funksioneve gjyqësore.

“Gjykatat dhe prokuroritë janë institucionet ku një profesionist i drejtësisë mund të jep kontributin më të madh, sepse brenda këtyre institucioneve ka sfida të përditshme dhe janë arena ku përballen përditë me pretendimet e palëve me procedurë”, tha Aleksander Lumezi.

Kryepsokurori i Shtetit, shtoi se ligjet që duhet zbatuar janë forca që e bëjnë njeriun të ngrejë kokën mbi mbijetesën e thjeshtë, të kërkoj e të jetë pronar, të zhvilloj dijen dhe ti gëzohet ekzistencës për të aspiruar më për shumë.
Sistemi i drejtësisë e në veçanti sistemi prokurorial i Kosovës, ka nevojë për kuadro të reja profesionale që do të jenë të guximshëm dhe integritet.
Pritjet janë më të mëdha, por që duhet të tregohet guxim edhe veprim, sepse drejtësia është e vërtetë vetëm kur vepron.

http://www.toskanapress.info/?p=2256