Sindikata e Policisë së Kosovës ngushëllon familjen Rexhepi

Sindikata e Policisë së Kosovës ka ngushëlluar familjen e Samet Rexhepit, polic i Kosovës, i cili dje në moshën 55-vjeçare ka ndërruar jetë.

TELEGRAM NGUSHËLLIMI

E nderuara familje Rexhepi, të nderuar kolegë dhe miq,

Me pikëllim të thellë morëm lajmin për ndarjen nga jeta të zyrtarit policor, Samet Rexhepi. Humbja e tij është e rëndë për familjen, kolegët dhe Policinë e Kosovës.

Në emër të Sindikatës së Policisë së Kosovës, ju shprehim ngushëllimet më të sinqerta.

Samet Rexhepi do të kujtohet për përkushtimin dhe sakrificën e tij në shërbim të sigurisë.

Qoftë i paharruar kujtimi i tij!

Me respekt,

Sindikata e Policisë së Kosovës