Sinani: 18 Qershori është dita më e veçantë për qytetarët e Kamenicës

/2L ONLINE/ – Kreu i Komunës së kamenicës Begzad Sinani, me rasti ne 18 qershorit Ditës së Çlirimit i ka uruar qytetarë, familje të dëshmorëve, Shoqata të dala nga lufta, duke thënë se 18 Qershori është dita më veçantë për qytetarët e Komunës së Kamenicës,

“18 Qershori i vitit 1999 ishte dita kur qytetarët e Komunës sonë përfundimisht frymuan lirshëm nga dhuna dhe agresioni pushtues serb, Ishte dite kur qytetarët e komunës sonë pas përpjekjeve gati shekullore e realizuan aspiratën nacionale për Shtet të lirë e demokratik”, ka thënë Sinani.

Ai tha se shfrytëzon rastin që t’i fton qytetarët që të bëhen pjesë aktive e ndihmesës për funksionimin sa më cilësor të pushtetit komunal, duke marrë pjesë aktive në vendimmarrje, që komuna, por edhe ligji iu mundëson, duke filluar nga takimet e drejtpërdrejta që kryetari i komunës mban gjatë vitit, por edhe në takimet e drejtpërdrejta përgjatë tërë orarit të punës, që kryetari ofron, përkundër angazhimeve të shumta që kam.

“Fundja, ne ju detyrohemi juve qytetarë të nderuar, ngase ne jemi për t`ju shërbyer juve. Vetëm duke synuar realizimin e këtyre qëllimeve, ne do të jemi afër konsolidimit të komunës dhe shtetit tonë .
Uroj që gjashtëmbëdhjetë vjetori i çlirimit të Komunës dhe Republikës se Kosovës të sjellë më shumë zhvillim, paqe, stabilitet. Lavdi, dëshmorëve dhe martirëve të kombit, Urime, shëndet dhe fat! Ju faleminderit!”, thuhet në urimin e kryetarit Sinani. /2L ONLINE/