Kapsllëku është një problem që prek 50% të femrave gjatë shtatzënisë, për shkak të ndryshimeve hormonale që ndodhin. Ky problem bëhet më serioz veçanërisht në muajt e fundit të shtatzënisë. Në këtë drejtim sjellim disa zgjidhje praktike për të mposhtur këtë problem. Shtoni lëvizjet, ndiqni një dietë ushqimore korrekte dhe mos u stresoni.
Gjatë kësaj periudhe duhet synuar që të mbahet një stil jete i shëndetshëm, duke pasur një shtim peshe të kontrolluar dhe një regjim ushqimor të pasur me fibra, perime, fruta dhe bishtaja.
Duhen pirë së paku 2 litra ujë në dtië, lëng frutash natyral, si dhe çaj. Këshillohet që të pihet një gotë ujë e ftohtë që në mëngjes, për të stimuluar mukozën dhe duke nxitur daljen jashtë.
Duhet të ecni minimalisht 40 minuta në ditë apo edhe të notoni. Nëse edhe me këto këshilla vazhdoni të keni probleme, këshillohuni me mjekun i cili mund t’iu japë disa laksativë të lehtë.