Shumë binzese gjilanase do të përfitojnë nga bashkëpunimi ndërkufitar

/2L ONLINE/ – Kryetari i Komunës së Gjilanit, Lutfi Haziri, ka pritur sot përfaqësuesit e projektit ndërkufitar Çair-Gjilan, për të parë nga afër ecurinë e këtij projekti të rëndësishëm për qytetarët e Gjilanit.

Bordi i projektit i udhëhequr nga kryetari Haziri, u njoftua për ecurinë e këtij projekti nga koordinatorja Gëzime Idrizi Ismaili, sikurse edhe për aktivitetet të cilat janë të planifikuar deri në përmbylljen e tij. me vlerë të veçantë për zejtarinë gjilanase.

Kryetari Haziri tha se është i kënaqur me rezultatet e arritura, ndërkaq u theksua se lista përfundimtare e përfituesve të nën-granteve, vlera e të cilave është 40 mijë euro, është në fazën e fundit dhe pritet që më shumë se 25 biznese gjilanase të përfitojnë.

Përndryshe, projekti “Valorizmi i zejeve tradicionale dhe potencialet e ekonomisë sociale për komunat Çair dhe Gjilan” është i financuar nga Komisioni Europian dhe ka filluar në tetorin e vitit 2014. /2L ONLINE/