Në Klinikën e Kardiologjisë, Shërbimi i Elektrofiziologjisë dhe Elektrostimulimit, për herë të parë u realizua me sukses ablacioni (djegia) radiofrekuent i takikardisë ventrikulare idiopatike të ventrikulit të majtë me qasje arteriale, te një pacient i moshës 37 vjeçare, bëhet e ditur nga Shërbimi Spitalor Klinik dhe Universitar i Kosovës.
Klinika e Kardiologjisë vazhdon të zgjerojë gamën e shërbimeve intervente në fushën e çrregullimeve të ritmit, me metodologji bashkëkohore dhe fal angazhimit e profesionalizmit të personelit të specializuar në këtë fushë.
Këto procedura komplekse kryhen nën mbikqyrje të ekspertëve të huaj dhe konform udhërrëfyesve e rekomandimeve të Shoqatës Evropiane të Kardiologjisë (ESC).
Gjatë vitit 2022, asnjë pacientë me këtë patologji nuk është referuar për trajtim jashtë instuicioneve publike shëndetësore, bëhet e ditur nga Shërbimi Spitalor Klinik dhe Universitar i Kosovës. /2LONLINE/
