Shqyrtohen mundesitë e realizimit të aktiviteteve në mbështetje të personave dhe familjeve në nevojë
Në kuadër të aktiviteteve për Muajin e Solidaritetit, Kryqi i Kuq i Kosovës, Dega në Gjilan, së bashku me kryetaren e degës, Dr. Esma Mustafa, dhe stafin e degës, zhvilloi një vizitë në Drejtorinë për Shëndetësi dhe Mirëqenie Sociale në Gjilan, ku u pritëm nga drejtoresha, znj. Mimoza Kadriu.
Gjatë takimit u diskutua për mundësitë e bashkëpunimit të përbashkët dhe realizimin e aktiviteteve në mbështetje të personave dhe familjeve në nevojë.
Me këtë rast, Drejtoria për Shëndetësi dhe Mirëqenie Sociale dhuroi 30 palë tuta për fëmijët e familjeve në nevojë.
“Falënderojmë drejtoreshën znj. Mimoza Kadriu, për përkrahjen, bashkëpunimin dhe gatishmërinë për të kontribuar në mirëqenien e familjeve në nevojë”, thuhet në njoftimin e Kryqit të Kuq të Kosovës, Dega në Gjilan. /2LONLINE/