Shqiptohet dënim me burgim prej 41 viteve ndaj të akuzuarëve F. M., R. M. DHE B. B.

/2L ONLINE/ – Një trup gjykues i Departamentit Krimeve të Rënda të Gjykatës Themelore në Gjilan, sot ka shpallur aktgjykimin, duke edënuar të akuzuarin F.M.me 25 (njëzetepesë) viteve burgim, R.M.13 (trembëdhjetë) vite e 6 (gjashtë) muaj burgim dheB. B.2 (dy) vite e 6 (gjashtë) muaj burgim.

I akuzuari F. M., shqiptar, shtetas i Republikës së Kosovës dyshohet se me datë 14.11.2013, rreth orës 23:30 minuta, në rrugën “Avdullah Tahiri”, pas një konflikti verbal nxjerrë revolen dhe i privon nga jeta dy vëllezërit F. L. dhe A. L.. Po ashtu i akuzuari me qëllim të privimit nga jeta me dashje ka shtënëedhe në drejtim të personave tjerë F. L. dhe A. L. (djemtë e të ndjerit F. L.), ku me këtë rast të dy persona kanë marr lëndime të rënda trupore dhe me këtë ka kryer veprën penale vrasje e rëndë, nga neni 179 paragrafi 1 nënparagrafi 1.11 i Kodit Penal të Republikës së Kosovës.

I akuzuari R. M. me dashje ka tentuar t’i privoj nga jeta të ndjerët F. L dhe A. L. si dhe të dëmtuarin F. L., me ç ka kryer veprën penale vrasje e rëndë e mbetur në tentativë nga neni 179 paragrafi 1 nënparagrafi 1.11 lidhur me nenet 28 dhe 29 të Kodit Penal të Republikës së Kosovës.

Ndërsa i akuzuari i tretë B. B., në kohën dhe datën e njëjtë sulmon të dëmtuarit, me çka ka kryer veprën penale pjesëmarrja në rrahje, nga neni 190 paragrafi 2 të Kodit Penal të Republikës së Kosovës.

Trupi gjykues ka vendosur që ndaj të akuzuarit F. M. i dënuar me 25 vite burgim dhe të akuzuarit R. M. i dënuar me 13 vite e 6 muaj burgim të i vazhdohet paraburgimi, derisa aktgjykimi të bëhet i formës së prerë, por jo më gjatë se dënimet e shqiptuara.

Ndërsa ndaj të akuzuarit B. B. i dënuar me 2 vite e 6 muaj burgim, të i ndërpritet paraburgimi dhe i njëjti të lirohet me datë 15.07.2015.

Palët gëzojnë të drejtën e kontestimit të këtij aktgjykimi në Gjykatën e Apelit. /2L ONLINE/