Shqiptarët e Luginës nuk po integrohen në sistemin tonë politik

Kryetari i Partisë Liberale Demokratike, Ҫedomir  Jovanoviç në një intervistë për televizionin kombëtarë në Serbi “Prva” ka folur për qëllimin e koalicionit me një grupë të boshnjakeve në Sanxhak dhe për integrimin e shqiptarëve brenda sistemi politik në Serbi.

“Në listën tonë zgjedhore kemi 30 kandidatë të komunitetit boshnjak nga Sanxahku dhe ky vend ka përfaqësuesit e vet në pushtetin republikan që nga viti 2000 mirëpo nde ekziston problem i papunësisë”, deklaroi  Jovanoviç.

Jovanoviç shtoi se boshnjakët e kanë vendin në parlamentin e Serbisë, ndërsa me shqiptarët e Luginës nuk mundë të pajtohen.

“Më vjen keq që nuk mundë të bisedojë me shqiptarët e Luginës dhe t’i integrojmë në sistemin tonë politik”, ka shtuar Jovanoviç.

Sipas tij boshnjakët e kanë vendin në parlamentin e  Serbisë dhe së bashku të punojmë për të zhvilluar vendin./Titulli.com/