Një fotografi që e ka postuar në rrjetin social Blerim Xhemaili duket me bashkëlojtarët e tij shqiptarë të kombëtares zvicerane. “Përfaqësuesja me bashkëlojtarët e veçantë”, ka shkruar Xhemaili në fotografinë me Admir Mehmedin, Pajtim Kasamin e Xherdan Shaqirin.
Përzgjedhësi i kombëtares zvicerane, Vladimir Petkovic, ka ftuar gjashtë futbollistë shqiptarë për ndeshjen e vikendit të ardhshëm që do ta zhvillojë Zvicra për kualifikimet për kampionatin evropian Euro 2016, edhe atë ndaj rivalit kryesor për kreun, Anglisë, transmeton albinfo.ch
Ndërkohë seleksionuesi i Zvicrës, Vladimir Petkoviç, ka marrë lajme të këqija. Valon Behrami ka pësuar lëndim gjatë stërvitjes me Hamburgun dhe nuk do të mundë t’i ndihmojë “helvetikët” në ndeshjen kundër Anglisë që do të luhet në kuadër të kualifikimeve për Evropianin 2016.