Këtë verë në Shqipëri do të zhvillohet kampionati ballkanik në pingpong për të rritur deri në moshën 21 vjeç. Ky event I rëndësishëm I këtij sporti do të startojë në datën 30 Korrik në Pallatin e Sportit “Asllan Rusi” në Tiranë, për ta ulur siparin më 3 Gusht, vetëm 5 ditë më pas.
Zyrtarizimi I marrëveshjes për organizimin e këtij turneu mes Federatës Shqiptare të Pinpongut, Unionit Ballkanin të Pingpongut, Komitetit Olimpik kombëtar Shqiptar dhe kompanisë Genuinne Effect u bë në një konferencë të përbashkët për shtyp, ku u zbuluan edhe disa detaje siç është numri I vendeve pjesëmarrëse apo I lojtarëve shqiptarë që do të veshin fanellën kuqezi në këtë kampionat ballkanik të pingpongut.
Në këtë turne do të marrin pjesë Shqipëria, Kosova, Mali I Zi, Maqedonia, Bosnia Hercegovina, Serbia, Rumania, Greqia, Bullgaria dhe Turqia, ndërsa ekipi kuqezi do të përfaqësohet me 10 sportistë, 5 meshkuj dhe 5 femra. Sekretari I përgjithshëm I Unionit Ballkanin të Pingpongut, Milorad Trpkovski, pasi falenderoi partnerët shqiptarë për organizimin e këtij turneu, kujtoi se në vitin 2014 përkon me 3 festa jubilare.
Kam kënaqësinë t’ju informoj se ky kampionat feston 3 jubile. Ky është kampionati i 40 ballkanik I pinpongut, por që zhvillohet për herë të parë në Shqipëri. Ndërsa Unioni Ballkanik i Pinpongut feston këtë vit 50 vjetorin e themelimit.
Federata Shqiptare e Pingpongut, pavarësisht konkurrencës së madhe që ekziston në këtë ballkaniadë të pinpongut, premtoi se sportistët Shqiptarë do të arrijnë rezultate të kënaqshme.