Shqipëria e 57-ta

Renditja e muajit dhjetor e FIFA-s nuk ka sjellë ndryshime për kombëtaren e Shqipërisë. Kuqezinjtë e kanë mbyllur vitin 2013 në pozitën e 57 në renditjen e FIFA-s. Shqipëria në korrik arriti rekord në renditjen e FIFA-s, duke u renditur në pozitën e 37, por edhe pse tash ndodhet 20 vende më poshtë mund të ketë një arsye për t’u gëzuar.

Në fakt, Kombëtarja shqiptare e mbylli vitin 2012 në vendin e 63-të me 518 pikë, ndërsa këtë fundvit është 6 pozicione më lart, me 571 pikë të grumbulluara.

Përndryshe, në renditjen e FIFA-s, Spanja si kampione e botës dhe Evropës është e para me rreth 200 pikë epërsi nga Gjermania e vendit të dytë. E treta është Argjentina  pastaj vije Kolumbia, Portugalia, Uruguai, Italia, Zvicra, Holanda e Brazili, duke bërë dhejtëshën e parë të kësaj radhitjeje të FIFA-s.