Shqetësuese rritja e numrit të të infektuarve në Viti

Shqetësuese rritja e numrit të të infektuarve në Viti

Komiteti Komunal për Mbrojtje dhe Shpëtim (KKMSH) ka shprehur shqetësimin për rritjen e numrit të të infektuarve, ditëve të fundit, në Komunën e Vitisë.

Kryetari Sokol Haliti tha se në Viti aktualisht 67 persona janë të infektuar.

Sipas tij, angazhimi i institucioneve komunale dhe i mekanizmave tjerë do të vazhdojë pandërprerë për ta përmirësuar gjendjen.

KKMSH me keqardhje ka marrë lajmin se një qytetare nga Pozherani, ka ndërruar jetë, me ç’rast familjes Korrani i ka shprehur ngushëllime të sinqerta.

Komandanti i Stacionit Policor në Viti, kapiten Afrim Halili, tha se edhe Policia e Kosovës po vëzhgon situatën në mënyrë që masat anti-Covid të zbatohen në përpikmëri.

Nga ana tjetër, Njësia e Zjarrëfikjes, ka vazhduar me klorifikim e rrugëve, shesheve, oborret e objekteve shkollore në fshatrat Binqë, Shushtë e Buzovik.

KOMENTE