Shpërndahet mishi i kurbanit për 200 familje në nevojë

Sot, Këshilli i Bashkësisë Islame në Gjilan, përmes Shoqatës Humanitare Bereqeti – Dega në Gjilan, realizoi shpërndarjen e mishit të kurbanit për 200 familje në nevojë.

Ky aktivitet humanitar u organizua me qëllim që gëzimi dhe begatia e festës të arrijnë edhe te familjet me kushte më të vështira ekonomike, duke promovuar vlerat e solidaritetit, bamirësisë dhe kujdesit ndaj atyre që kanë më së shumti nevojë.

Këshilli i Bashkësisë Islame në Gjilan shpreh mirënjohje për të gjithë kontribuuesit dhe donatorët, lutur që Allahu t’i shpërblejë me të mira, t’ua pranojë ibadetet dhe t’i begatojë me shëndet, mirësi e bereqet, thuhet në njoftimin e KBI-së së Gjilanit. /2LONLINE/