Shpërndahen pako ushqimore për familjet nevojtare

Sot, në prag të muajit të shenjtë të Ramazanit, Shoqata Bereqeti – Dega në Gjilan, në bashkëpunim me Fondacionin Bereka Charity, ka realizuar shpërndarjen e 60 pakove ushqimore për 60 familje në nevojë.

Ky aktivitet humanitar u zhvillua me qëllim të lehtësimit të gjendjes sociale të familjeve përfituese dhe në frymën e solidaritetit, bamirësisë dhe kujdesit për më të rrezikuarit, vlera këto të veçanta të muajit të Ramazanit.

Shoqata Bereqeti shpreh falënderim të veçantë për Fondacionin Bereka Charity dhe të gjithë kontribuuesit që mundësuan realizimin e këtij aksioni humanitar.

Këshilli i Bashkësisë Islame – Gjilan
Shoqata Bereqeti – Dega Gjilan