Shpërndahen 400 pako ushqimore për familjet në nevojë

Shpërndahen 400 pako ushqimore për familjet në nevojë

Komuna e Kamenicës në bashkëpunim me Organizatën “Qëndresa Kosovare”, “Jetimat e Ballkanit”, dhe “Qatar Charity” kanë shpërndarë 400 pako ushqimore për familjet në gjendje të rëndë ekonomike dhe sociale.

Në shenjë solidariteti për këto familje, organizata “Qatar Charity” ka dhuruar 300 pako ushqimore, “Qëndresa Kosovare” 50 pako dhe “Jetimat e Ballkanit” 50 pako.

Kryetari i komunës, Qëndron Kastrati falënderoi jashtëzakonisht shumë organizatat për kontributin e tyre.

“Është e dhimbshme që edhe 20 vite pas luftës ka familje që përballen me vështirësi financiare por po mundohemi që sado pak t’ua bëjmë më të lehtë”, tha ai.

Keto pako u shpërndanë në koordinim me Qendrën për Punë Sociale( QPS), në kuadër të Drejtorisë së Shëndetësisë dhe Mirëqenies Sociale.

KOMENTE