Shpërblehen storiet më të mira që luftojnë korrupsionin

Edhe këtë vit për të nderuar përpjekjet e palodhshme të gazetarëve që luftojnë aktivitetet korruptive me anë të storieve të publikuara do të shpërblehen storiet e tyre.

Asociacioni i Gazetarëve të Kosovës (AGK), Agjencia Kosovare Kundër Korrupsionit (AKKK) dhe Programi i Kombeve të Bashkuara për Zhvillim (UNDP), do të dorëzojnë shpërblimet për gazetari me temë Kundër Korrupsionit për vitin 2014.

Ndarja e shperblimeve bëhet sot , ku të pranishëm në ceremoni do të jenë përfaqësues të organizatorëve, ambasadori norvegjez, kreu i Agjencisë Zvicerane për Zhvillim dhe Bashkëpunim, palë të interesuara, gazetarë, përfaqësues të shoqërisë civile, etj. Po ashtu do të shënohet 9 dhjetori, Dita Ndërkombëtare Kundër Korrupsionit.