Shpalosen sukseset e Ansamblit “Gjilani” përgjatë vitit 2025
“Viti 2025 ishte një vit i jashtëzakonshëm për Ansamblin e Këngëve dhe Valleve “Gjilani”, i shënuar me punë të palodhshme, angazhim të vazhdueshëm dhe suksese të rëndësishme në skenën kulturore brenda dhe jashtë vendit”, ka bërë me dije, Afrim Haziri, kryetar i Ansamblit.
Gjatë këtij viti, Ansambli “Gjilani” realizoi dhe mori pjesë në aktivitete të shumta artistike, duke përfaqësuar me dinjitet trashëgiminë tonë kulturore:
Koncerti festiv i 17 Shkurtit
Festivali Ndërkombëtar “Ninulla”
Akademia Përkujtimore – 178-vjetori i Idriz Seferit
Manifestimi kulturor “Ditët e Agimit”
Festivali Kombëtar Folklorik “Anadrina Jehon”.
kryetar i këtij Ansambli, Afrim Haziri poashtu bëri me dije se një nga ngjarjet më të rëndësishme ishte organizimi i Festivalit të 15 Qershorit – “Dita e Çlirimit”, ku Ansambli “Gjilani” ishte organizator dhe mikpritës i ansambleve mysafire nga rajoni, përfshirë Ansamblin nga Burreli – Shqipëri dhe Ansamblin “Bajram Shabani” nga Kumanova.
Në arenën ndërkombëtare, Ansambli “Gjilani” shënoi sukses të madh në Festivalin Ndërkombëtar në Izmit – Turqi, International Folk Dance Balkan Fest, ku u shpall Ansambli më i Mirë.
Aktivitete të tjera të rëndësishme gjatë vitit përfshijnë:
Festivali “Rising Stars”
Koncerti “Takimet e Vendlindjes” – Tugjec
Koncerti i përbashkët me Ansamblin “Shota”
Po ashtu, në Festivalin “Balkan Fest”, Ansambli “Gjilani” u shpërblye me çmime të shumta:
Vendi i parë
Orkestra më e mirë
Instrumentalisti më i mirë
Solistja më e mirë
Viti u përmbyll me Koncertin festiv të Festës së 28 Nëntorit, duke kurorëzuar një vit të pasur artistik.
“Në kulmin e këtyre arritjeve, në kuadër të ndarjes së çmimeve “Më të Mirët e Vitit 2025”, të organizuara nga Drejtoria për Kulturë, Rini dhe Sport, Ansambli “Gjilani” u shpall Ansambli më i Mirë i Vitit, një vlerësim i lartë dhe i merituar për përkushtimin, profesionalizmin dhe kontributin e vazhdueshëm në ruajtjen dhe promovimin e kulturës sonë”, ka thënë tutje Afrim Haziri.
Sipas tij, ky sukses është fryt i punës së përbashkët të të gjithë anëtarëve, drejtuesve, artistëve dhe bashkëpunëtorëve që me përkushtim e pasion e mbajnë gjallë artin dhe traditën. /2LONLINE/