Shoqatat e dala nga lufta, ajo e familjeve të dëshmorëve, invalidëve dhe veteranëve nesër do të dorëzojnë një kërkesë Kuvendit dhe Qeverisë që ta zyrtarizojnë 5 majin si festë zyrtare e Dëshmorëve.
Në një njoftim për media nga këto shoqata thuhet se kërkesa do të bëhet nesër në një konferencë për media.
“Shtojmë se festë zyrtare këtë datë e ka Republika e Shqipërisë, si dhe ajo e Maqedonisë, për Dëshmorët e Kombit të Luftës së UÇK-së, andaj është në logjikën e gjerave që një komb të ketë edhe një festë të përbashkët për Dëshmorët e Kombit”, thuhet në një njoftim për media nga tri shoqatat e dala nga lufta e UÇK-së.