Shoqata e të Verbërve ndihmon familjet në nevojë

/2L ONLINE/ – Shoqata e të Verbërve në Gjilan ka qenë mjaftë aktive për grumbullimin e ndihmave për rastet, përkatësisht familjet me nevojë. Me këtë rast, kryetari i Shoqatës së të verbërve në Gjilan, Bajram Spahiu ka falënderuar të gjithë ato biznese në Komunën e Gjilanit dhe të Kamenicës për solidaritetin e tyre të treguar duke ndihmuar me rastin e muajit të shenjtë të Ramazanit dhe festës së Fitër-Bajramit.

Spahiu bëri të ditur se që nga 20 qershori e deri më sot janë grumbulluar ndihma ushqimore duke u kompletuar me mielli, lëngjet dhe artikuj tjerë elementarë duke i ndihmuar me to, gjithsej 53 familje, që në mesi ne tyre kanë anëtar të verbër.

“Janë ndihmuar këto familje që edhe ato ditët e Ramazanit dhe tani edhe Festën e Fitër Bajramit ta kalojnë sadopak ngjashëm me të tjerët”, ka thënë Kadriu, i cili ka shfrytëzuar rastin të falënderojë edhe restorant Lulin që për 20 persona, staf i kësaj shoqate, të shtrojë një iftar. Në fund Kryetari i Shoqatës së të Verbërve, Bajram Spahiu, në emër të tij dhe Këshillit drejtues, uron të gjithë qytetarët e Republikës së Kosovës festen e Fitër-Bajramit. /2L ONLINE/