Shkrimtari Bilall Maliqi nga Presheva nderohet me çmimin e tretë në Klinë

Në Manifestimin Tradicional të shtatin me radhë “Ora e Tahir Deskut” në komunën e Klinës morën pjesë poetë të shumtë nga shumë vise shqiptare, ndërsa nga Lugina e Preshevës prezantuan Bilall Maliqi dhe Rrahman Hyseni.

Në këtë manifestim tradicional letrar Ora e Tahir Deskut, çmimin “Tahir Desku”, për vlera artistike e studimore letrare, e mori dr. prof Sali Bashota, kurse çmimin motivues krijuesi i ri, e mori Yll H. Ymeri.

Kumtesë për veprën e jetën e Tahir Deskut pati Mikel Gojani

Në emër të jurisë për veprimtarinë letrare e studimore të Sali Bashotës paraqiti arsyetimin Hajdin Morina, një kumtesë për poezinë e Sali Bashotës e paraqiti Flamur Maloku, kurse për krijuesit e rinj foli Prend Buzhala.

Në pjesën e dytë, ora letrare, e cila kishte karakterin garues, ku lexuan poezitë e tyre krijues nga Prishtina, Peja, Deçani, Skenderaj, Malisheva, Gjakova, Klina, Lugina e Preshevës, Tropoja e diaspora.

Juria profesionale për vlerësim ishin Ismet Krasniqi, Mikel Gojani dhe Mahir Morina. Vendin e parë për poezi e mori Mehdi Krasniqi nga Malisheva, të dytin Frrok Kristaj nga Prishtina dhe të tretin Bilall Maliqi nga Presheva.

Krijuesit nga Klina, lexuan jashtë konkurrencës.

Bilall Maliqi pas marrjes së çmimit u shpreh se ky çmim e ka nderue autorin, Preshevën dhe Luginën në përgjithësi.
http://www.titulli.com/index.php?m=post&s=17221