Shkon me ia pre rrymën, e pret dajaku!

/2L ONLINE/ – Një qytetar nga fshati Binçë i Komunës së Vitisë, do të përballet me drejtësinë pasi ka sulmuar fizikisht një punëtor të KEDS-it, pasi që ky i fundit, kishte dashur ta shkyçte nga rrjeti elektrik, për shkak të mospagesës së obligimeve që i kishte për rrymën e harxhuar.

Autoritetet policore rastin e kanë klasifikuar si sulm ndaj personit zyrtar, dhe se kanë bërë me dije se rastin e ka lajmëruar punëtori i KEDS-it, i cili i ka thënë policisë se derisa ishte ne kryerje të detyrës, ç’kyçje të disa konsumatorëve, në rastin konkret, është sulmuar fizikisht nga i dyshuari i cili e edhe i ka shkaktuar lëndime trupore..

Policia e Kosovës ka bërë me dije se lidhur me rastin është njoftuar prokurori i shtetit dhe me urdhër të tij rasti procedohet në Gjykatë. /2L ONLINE/