Shkollat e komunës së Vitisë të gatshme për fillimin e vitit të ri shkollor

Në kuadër të përgatitjeve për përgatitjen e fillim vitit të ri shkollorë 2022/23, ditë më parë kanë nisur punimet ne sanimin e dëmtimeve, riparimin e përgjithshëm dhe fasadimin e klasave, në disa shkolla të komunës së Vitisë.

Për të parë nga afër punimet që janë kryer dhe po realizohen më tej, kryetari i komunës Sokol Haliti i shoqëruar edhe nga drejtoresha për Arsim Fatbardha Emini, kanë vizituar disa nga shkollat e kësaj komune.

Me këtë rast, udhëheqësit komunal u shprehën se janë duke bërë përpjekje që ky fillim vit shkollor të fillojë mbarë e me kushte sa më të mira teknike.

Po ashtu u premtua që do të vazhdojë mbështetja e realizimit të projekteve nëpër shkolla, posaçërisht aty ku paraqitet nevoja për intervenime.  /2LONLINE/