Shkolla fillore “Thimi Mitko”, në të dyja konkurrencat, më e mira në basketboll
/2L ONLINE/ – Në turneun e organizuar të basketbollit në mes shkollave fillore të Komunës së Gjilanit në dy konkurrencat më të mirët u treguan basketbollistët e shkollës fillore ‘Thimi Mitko’ nga Gjilani.
Nxënësit e kësaj shkolle dëshmuan se në mesin e tyre ka shumë talent, duke shpresuar se do të jenë ardhmëri e basketbollit jo vetëm të Komunës së Gjilanit por edhe në nivel qendror të Republikës së Kosovës.
Në konkurrencën e meshkujve basketbollistët nga shkolla ‘Thimi Mitko’ në finale mposhtën njomakët nga shkolla fillore ‘Abaz Ajeti’ me rezultat 34 – 21 duke treguar basketboll cilësor.
Njëri ndër basketbollistët më të mirë nga ‘Thimi Mitko’ Ardit Sahiti për 2L ONLINE u shpreh, “Gjatë tërë turneut shkolla jonë ishte bindshëm më e mira duke dëshmuar se me punë arrihet gjithçka dhe për këtë sukses i falënderohem stafit të shkollës të cilët me punën e tyre profesionale na drejtuan drejt këtij suksesi mjaft të madh të shkollës sonë”.
Në konkurrencën e femrave Basketbollistet nga shkolla ‘Thimi Mitko’ me lehtësi mposhtën basketbollistet nga shkolla ‘Lagjja e Dytë’ me rezultat 23 – 15.
Njëra ndër basketbollistet më të mira të kampit fitues të shkollës ‘Thimi Mitko’
Albulena Latifi përshtypjet nga ky turne i shprehu: ” U dëshmua se të gjitha shkollat ishin mjaft të përgatitur për këtë turne mjaft cilësor, shoqet e mija dhe shkolla jonë ishte më e përgatitur dhe në fund ia dolëm duke u renditur në pozitën e parë një meritë të veçantë për këtë sukses kanë arsimtarët tanë të kulturës fizike të cilët asnjëherë nuk na u ndan drejt këtij suksesi”.
Stafi i arsimtarëve nga shkolla fillore ‘Thimi Mitko’ nga Gjilani Fidan Jonuzi, Shpend Sylejmani, Sebahate Ahmetaj e Makfire Brestrovci me të drejtë u ndien krenar.
“Jam shumë i lumtur që nxënësit e shkollës tonë në dy konkurrencat ishin më të mirë se nxënësit e shkollave tjera, por edhe këto shkolla patën cilësitë e tyre, u dëshmua se shkolla jonë në radhët e saja ka Pedagog të vyeshëm në kulturën fizike duke e përcjell këtë dije me mjaft sukses edhe tek nxënësit e shkollës”,shprehet Arsimtari i kulturës fizike nga ‘Thimi Mitko’ Shpend Sylejmani. /2L ONLINE/