Shitja e mjeteve piroteknike në Gjilan lejohet nga data 26 deri më 31 dhjetor

/2L ONLINE/ – Me qëllim të koordinimit të aktiviteteve për menaxhimin e situatës për parandalimin e rrezikut nga substancat piroteknike ruajtjen e mjedisit dhe mbrojtjen e shëndetit të qytetarëve nga dëmet që mund të shkaktojnë produktet piroteknike, në Gjilan është mbajtur sot një takim, në të cilin ka marrë pjesë drejtori i Zhvillimit Ekonomik, Agim Zuzaku, drejtori për Mbrojtje dhe Shpëtim, Ensar Kadriu, toger Feriz Abazi nga Policia e Kosovës si dhe inspektorët parkatës të Komunës.

Nga ky takim ka dalë apeli tek qytetarët për mospërdorimin e substancave piroteknike apo fishekzjarreve nga fëmijët, por edhe nga të tjerët nëpër rruget e qytetit ku rrezikohet siguria e qytetarëve.

Ndërsa, shitësve të mjeteve piroteknike u bëhet apel që të mos u shesin fëmijëve pa prind dhe se shitja e tyre të bëhet me leje nga Drejtoria e Shërbimeve Publike nga data 26.12.2015 deri më 31.12.2015, në të kundërtën do të ndërmerren masa konform ligjit.

Në takimi e përbashkët është vendosur që të ndërmerren të gjitha masat për parandalimin e rrezikut të përgjithshëm duke ndaluar shitjen e substancave piroteknike deri më datën e lartcekur, të gjithë shitësit e substancave piroteknike të marrin leje për hapësirën për shitje, e policia të asistoj në aksionet e Inspeksionit të Shërbimeve Publike dhe Inspeksionit të Tregut.

Poashtu, është vendosur që të mos u jepet leje shitësve për shitjen e substancave piroteknike edhe në datat e sipërpërmendura në afërsi të të gjitha institucioneve shkollore dhe shëndetësore, të tërhiqet vërejtja shitësve për ndezjen e fishekzjarreve nga vetë ata, në të kundërtën do të gjobiten, ndërkaq inspeksioni i shërbimeve publike dhe i tregut të punoj me orar të zgjatur për të parandaluar shitjen e paautorizuar dhe në vendet e pa lejuara./2L ONLINE/