(2LONLINE) – Kishte filluar më herët, por krekosja e disa figurave të UÇK-së, e atyre që pa kurrfarë vlere thirreshin në vlerat e UÇK-së dhe pranimi i tyre nga Shtabi i UÇK-se, menjëherë pas lufte, bëri që zgjedhjet e para në Kosovën e lire t`i humbë “krahu i luftës”. Kjo s`ka ndodhë kurrë dhe as nuk guxon të ndodhë që Çlirimtarët t`i humbin zgjedhjet
Ndonëse, me zgjedhje të humbura “krahu i luftës”, i drejtoi gjitha qeveritë deri më sot,…! Ata që i kishin fituar zgjedhjet, të rehatuar për vete dhe rrethin e vet, të mbështetur fort në Lisin e palëkundur për gati dy dekada, kurrë s`mendonin për humbje. Rënia e Lisit të Palëkundur, dikujt ia solli shiun në kallamoq, e dikujt tjetër breshërinë! Por, ata që pësuan më së shumti ishin populli, të cilin breshëri e la pa bereqet, madje jo vetëm për një verë, por për shumë vera tjera.
Shtyerja në bërryla për kolltukë e karrige, përfundoi në Kuvendin e Gjashtë të LDK-së, kur Kuvendi u shndërrua në arenë grushtesh e karrigash, gjë që shënoi fillimin e humbjes së Subjektit Shtetformues të Shtetit më të ri në rruzullin tokësor. Parulla “Përçaj e sundo”, edhe këtu gjeti shprehjen, LDK-ja që ishte e para, ra për tokë duke i lëshuar PDK-së që ishte e dyta deri atëherë .
Koha kur “krahu i luftës” po thirrej në UÇK dhe Adem Jasharin –Legjendën e Kësaj lufte, po përfundon! Fillimisht me injorimin e Familjes Jashari, mandej me aferën “pronto”,… shënon edhe fillimin e fundit të qeverisjes dhe fitores së “krahut të luftës”. Është interesante se profiterët asnjëherë nuk e pranojnë humbjen, ose vazhdimisht janë të prirë të akuzojnë të tjerët për humbjet e veta. Kjo ndodhë derisa të këndellen, apo deri sa t`ju del pija !
“…Na kemi nisur projekte bashkë më 2009 – 2010 dhe janë zvarritë dhe nuk kanë përfunduar disa prej tyre edhe sot, një pjesë e tyre kanë përfunduar me disa investime që na kanë ardhur në fushatën zgjedhore…”,thotë Qemajl Mustafa në deklarat e tija për media.
Kështu ndodhi edhe në zgjedhjet e fundit ! Të gjithë fillimisht akuzonin njëri – tjetrin, madje deri në injorancë të skajshme. Kur panë, se rezultatet janë ato që janë edhe nga komisionerët e tyre, filluan ta akuzojnë këdo që e shihnin çoftë ëndërr, aq zhgjëndërr ! Por, zakonisht peri këputej aty ku është më së holli !
“Dikur kanë qenë ideal për të. Por, ky besim që kishte kryetari i Partisë Demokratike të Kosovës dhe njëherësh kryeministër i Kosovës, Hashim Thaçi, për kryetarët që vet kishte nominuar për kryetar të komunave, ka ndryshuar”.
Ajo e mirë që ndodhi në këto zgjedhjet e fundit, është se populli ka filluar të gjykoj drejtë. Madje , aty ku nuk ishte sigurt mes dy kryetarëve, atëherë e votoi këtë të dytin duke e dënuar të parin ! Atë që nuk mundi ta parashikoi asnjë analistë , e parashikoi dhe vendosi populli .
Prishtina, Gjilani, Ferizaj, Peja, Gjakova, Mitrovica e Malisheva, janë vetëm disa nga komunat, ku u dënua injoranca dhe kapadaillëku çoftë i ish kryetarëve, apo i bosëve të tyre. Këtu seç m`u kujtua kënga “Kadal dal o po vjen behari”… e me beharin po duket se po vjen e mbara dhe koha kur do të ndahet shapi prej sheqerit.
Asnjë subjekt politik më nuk ka elektorat të sigurt , siç e kishte deri dje ! Nëse nuk duan të shpërblejnë tjetrin, për shkak të inateve ballkanike që i kemi në gjene (të mos them shqiptare),atëherë së paku do t`i dënojnë të vetët!
Dhe sipas mendimit tim është e mirë kjo mënyrë e veprimit , përmes së cilës I bëhet me dije klasës politike se toka është për të ecur e qielli për të fluturuar. Duhet të jemi të përgjegjshëm para votës sikur para Zotit ,sepse Ai-Ajo na ngritë dhe ajo na zbret.
Derisa po e shkruaj këtë shkrim, po e dëgjoj edhe Betimin e Ushtarëve të Luftës së UÇK-së: “Betohem në Zot e Flamur…!” E këta, në çka betohen ? A kanë Zot ? A kanë Flamur ? A kanë Kushtetutë ? A kanë nderë a fytyrë,…?
Së paku në diçka autoktone të betohen ! Zoti është më i Madhi. Ai sheh, ndjen dhe di, të dukshmen dhe të padukshmen!
Prandaj kujdes! Pastroni oborrin tuaj, për t`ia tërhequr vërejtjen tjetrit, vlerësoje tjetrin para se ta nënçmosh, mos u merr me të tjerët, pa e shikuar veten në pasqyrë, (e mos paç pasqyrë, atëherë pshurru me një rrashtë dhe shihe veten)! Mos hallakat se i vjen më shumë era! Në të kundërtën, mos garoni fare, sepse humbjen e keni të sigurt!
/Nehat M.Ramadani/
(autori është mwsimdhwnws nw Shmu”Rexhep Elmazi”-Gjilan)