SHFMU “Liria” në Pogragjë tani ka ujë të pijshëm!
Shkolla “Liria” e fshatit Pogragjë të Gjilanit është bërë me ujë të pijshëm.
“Në emër të stafit të shkollës, nxënësve dhe prindërve, shprehim falënderimet tona të sinqerta për bashkëvendasin Shefqet Imerin, që jeton dhe vepron në Zvicër, për kontributin e tij në sigurimin e ujit të pijshëm për shkollën tonë’, thuhet në njoftimin e kësaj shkolle.
Më tej në njoftim është falënderuar edhe Ardian Regjep Xhemaili , i cili ka ofruar përkrahje në çdo aksion që organizohet për të mirën e shkollës, si dhe punëtorët e shoqatës Bekim Hajrizi dhe Fikret Mustafa për angazhimin dhe ndihmën e tyre.
“Ju falënderojmë nga zemra për kontributin tuaj, i cili krijon kushte më të mira për nxënësit dhe stafin e shkollës sonë! Me respekt dhe mirënjohje!”, thuhet në fund të njoftimit të kësaj shkolle. /2LONLINE/