/2L ONLINE/ – Qendra Kryesore e Mjekësisë Familjare në bashkëpunim me Drejtorinë për Shëndetësi dhe Mirëqenie Sociale në Viti, me rastin e javës së diabetit kanë në qendër të qytetit të Vitisë kanë pos që kanë bërë shpërndarjen e broshurave mbi sëmundjen e diabetit kanë ofruar falas për kalimtar të rastit matjen e Glikemisë.
Sipas Dr. Vjollca Kadolli Hallili, kjo sëmundje ka ndërlikime serioze në shëndet nëse nuk zbulohet me kohë. “Përndryshe sëmundja e Diabetit ka kosto të lartë shëndetësore, pasi që kjo sëmundje nëse nuk zbulohet me kohë, shkakton ndërlikime serioze, si sëmundje kardiovaskulare, verbim , sëmundje të veshkave etj. Të dhënat më të fundit të Federatës Ndërkombëtare të Diabetit kanë treguar se janë rreth 387 milionë të prekur me diabet ku pritet që numri i tyre të arrijë në 600 milionë në vitin 2035 në të gjithë botën”, u shpreh Dr. Kadolli-Halili.
Ajo theksoi se numri më i madh i njerëzve me diabet i përket grup-moshës 40-50 vjeç, duke thënë edhe këshilla për pacientet të prekur nga kjo sëmundje. “Pacientët me diabet duhet të kontrollojnë peshën, duhet të kufizojnë sheqernat e rafinuara, duhet të rrisin sasinë e fibrës në dietë, yndyrat duhet të jenë vajra me 1 lidhje dyfishe (si p.sh. vaji i ullirit) si dhe i rekomandojmë që t’i shtojnë dietës së tyre arra, bajame etj.
Përndryshe sot është mbajtur në QKMF-në në Viti ligjërata me temën “ “Diabeti tek fëmijët ” nga pediatrja Dr. Qefsere Rexhepi. /2L ONLINE/