Shenjëtarët kosovarë në Kupën e Botës “Mynih 2019”, synojnë pikë Olimpike

Kombëtarja e Kosovës në Shenjëtari Sportive ka udhëtuar drejt Mynihut të Gjermanisë, ku prej sot e deri më 31 maj 2019 do të mbahet Kupa e Botës, në disiplinat pushkë dhe pistoletë.

Kosovën e përfaqësojnë Urata Rama Gagica, Drilon Ibrahimi, që garojnë në pushkë 10 metra, si dhe Lumturije Rama e Nexhat Sahiti në pistoletë 10 metra.

Urata e Driloni janë edhe bursistë Olimpikë të Komitetit Olimpik të Kosovës.