Shefqet Tafa pensionohet pas më shumë se 30 vitesh kontribut në institucionet komunale të Vitisë

Kryetari i Komunës së Vitisë, Sokol Haliti, i shoqëruar nga drejtori i Administratës, Skënderbe Hebibi dhe të tjerë ka pritur sot në takim zyrtarin komunal Shefqet Tafa, me rastin e pensionimit të tij pas më shumë se tri dekadash shërbimi në institucionet komunale të Vitisë.

Me këtë rast, kryetari Haliti e vlerësoi lart kontributin e z. Tafa, duke theksuar punën, përkushtimin dhe seriozitetin e tij gjatë gjithë viteve të shërbimit në funksion të institucionit dhe qytetarëve të komunës së Vitisë.

Edhe drejtori i Administratës, Skënderbe Hebibi, shprehu fjalë miradie për punën dhe angazhimin e tij ndër vite, duke i uruar pensionim të mbarë dhe shëndet.

Kurse Shefqet Tafa falënderoi kolegët për bashkëpunimin e vazhdueshëm gjatë punës së tij, ndërsa shprehu vlerësimin e tij për kryetarin Sokol Haliti, të cilin e cilësoi si kryetar të jashtëzakonshëm.

Po ashtu gjatë këtij takimi kryetari Haliti i ndau z. Tafa një mirënjohje për kontributin e dhënë në administratën komunale të Vitisë. /2LONLINE/