SHBA kërkon që Kosova të bëhet anëtare e OSBE-së

Gjatë mbledhjes ku u shqyrtuar raporti gjysmëvjeçar i shefit të Misionit të OSBE-së në Kosovë, Ambasadorit Jean- Claude Schlumberger, përfaqësuesi i SHBA-ve në OSBE, Ambasadori Daniel B. Baer, ka thënë se Kosova meriton një ulëse në mesin e shteteve anëtare të kësaj organizate.

“Ne i bëjmë thirrje OSBE-së dhe shteteve anëtare të saj që ta pranojnë se Kosova meriton një ulëse në këtë tavolinë”, tha përfaqësuesi amerikan në Këshillin e Përhershëm të OSBE-së, Baer, raporton kallxo.com.

“Ne mund të fillojmë duke ftuar përfaqësuesit e qeverisë së Kosovës në takimet e nivelit të punës ku diskutohen aktivitetet dhe çështjet që kanë të bëjnë me Kosovën. Ne kërkojmë nga Përfaqësuesi Special Stoudmann që t’i dyfishojë përpjekjet për të gjetur rrugë që të arrihet kjo, dhe jemi të gatshëm të ndihmojmë në këtë përpjekje”, u shpreh ai.

për më tepër lexo në: http://live.kallxo.com/sq/MTL/ShBA-te-Kerkojne-Ulese-per-Kosoven-ne-OSBE-2054