SHBA dhe Kosova vazhdojnë bashkëpunimin në fushën e sigurisë

Në vazhdën e takimeve zyrtare në Departamentin Amerikan të Shtetit, Forumin Global Kundër-Terrorizëm, Këshilltari i Kryeministrit të Kosovës Edon Myftari së bashku me zv/Ministrin e Jashtëm Petrit Selimi u priten në Këshillin për Siguri Nacionale pran Shtëpisë së Bardhë nga Drejtoresha për Ballkan, znj. Sammie Smith. Në këtë takim u diskutua për sfidat dhe prioritetet në fushën e sigurisë në Kosovë dhe aspektin global në luftën kundër terrorizmit. U bisedua për bashkëpunimin e mëtutjeshëm në agjendën e përbashkët të Kosovës dhe SHBA-ve. Znj. Smith duke përgëzuar për iniciativat që po ndërmerren nga Qeveria e Kosovës në forcimin e sigurisë dhe luftimin e ekstremizmit, siguroi për mbështetjen e vazhdueshme për qeverinë e Kosovës nga SHBA.