Shatë nxënës vitias bëhen pjesë e programit KEDS Academy

Kryetari i komunës së Vitisë, Sokol Haliti i shoqëruar nga drejtoresha për Arsim, Arta Ajeti kanë vizituar sot shkollën IAAP “Jonuz Zejnullahu” – Viti.

Me këtë rast ata i uruan për sukseset të cilat i ka arritur kjo shkollë, në veçanti për 7 nxënësit të klasës së 12-të, profili Instalues Elektrik pas kalimit me sukses në të gjitha fazat e testimit dhe pranimit të tyre në programin KEDS Academy.

“Sot dua të ju uroj secilin nxënës për sukseset e arritura duke potencuar se me këtë ata na bëjnë krenar. Rinia është e tashmja dhe e ardhmja e këtij vendi dhe ju inkurajoj të mos ndalini rrugën tuaj të suksesit”, u shpreh kryetari Haliti.

Ai gjithashtu tha se nxënësit vitias janë shumë të suksesshme dhe do ta kenë mbështetjen e komunës si në mjetet e konkretizimit, kabineteve etj.

Në këtë shkollë ata u pritën në takim nga drejtori i shkollës Ali Bislim, i cili i njoftoj ata për zhvillimet e gjithmbarshme të shkollës.

Ai tha se vazhdimisht kanë aplikuar dhe janë përzgjedhur nxënësit e kësaj shkolle profesionale duke u pranuar në KEDS Academy.

Ndërkaq drejtoresha Ajeti bëri me dije se të gjithë nxënësit vitias , do të kenë sigurimin shëndetësor të mbuluar nga nga komuna gjatë punës së tyre praktike.

Përndryshe bëhet fjalë për nxënësit vitias: Elmedin Beqiri, Bekir Samakova, Rexhep Sadiku, Samed Ramadani, Osman Ferati, Rinim Sadiku dhe Eltion Ramadani të cilët tani më janë pjesë të këtij programi.  /2LONLINE/