Shaqiri nuk largohet nga Bayerni

Xherdan Shaqiri nuk do të largohet nga Bayern Munich, pas rihapjes së afatit kalimtar në janar. Kështu ka thënë një prej menaxherëve të tij, Ulisse Savini, që mohoi spekulimet se ylli kosovar do të gjejë një skuadër të re gjatë janarit.

“Është një situatë e komplikuar për momentin. Unë dyshoj se ai do të largohet në janar. Ai ka luajtur në Ligën e Kampionëve dhe nuk mund të përdorohet aty nga një klub tjetër”, u shpreh Savini.

“Një gjë e tillë e komplikon marrëveshjen, pasi bëhet fjalë për shumë para. Dhe unë dyshoj se Bayerni mund ta gjejë një zëvendësim të nivelit të tij”, u shpreh ai.