Shaqiri, mund të rikthehet në Bundesligë

Mesfushori i Interit, Xherdan Shaqiri mund të rikthehet në Bundesligë, duke u transferuar në Wolfsburg. Ai mund të rikthehet në Bundesligë pasi pritet të largohet nga Inter, gjatë këtij afati kalimtar të verës.

Dhe, sipas mediave italiane, ylli kosovar mund të luajë sërish në elitën e futbollit gjerman, vetëm gjashtë muaj pas largimit nga Bayern Munich.

Inter ka shprehur interesim për transferimin e mesfushorit ofanziv të Wolfsburgut, Ivan Perisic dhe raportohet se Shaqiri mund të përfshihet në ofertën e klubit italian për blerjen e reprezentuesit kroat.