Shaqiri mohon largimin nga Bayerni në fund të këtij edicioni

Mesfushori i Bayern Munichut kosovari Xherdan Shaqiri ka mohuar shkrimet e mediave se ai do të largohet nga kampionët e Evropës dhe Gjermanisë Bayern Munichu në fund të këtij edicioni. Xherdani lidhet me një kalim të mundshëm në Angli te skuadra e Liverpoolit.

“Kurrë nuk kam thënë se dëshiroj të largohem. Jam shumë i lumtur në Mynich dhe as që e kam çuar ndërmend variantin e largimit. Opinioni i vëllait tim është trajtuar ndryshe nga çfarë ka thënë në të vërtetë, por sigurisht, nëse një klub i madh vjen dhe ka interes, atëherë mund ta merret në konsideratë. Kështu ndodh me çdo lojtar”, ka deklaruar Shaqiri.