Shabani: Vendosja e sistemit GPS do të rrisë transparencën dhe kontrollin e automjeteve komunale

Drejtori i Drejtorisë së Administratës së Përgjithshme në Komunën e Gjilanit, Elbasan Shabani, ka bërë të ditur se ka përcjellë për së afërmi procesin e vendosjes së sistemit GPS në automjetet zyrtare komunale, me qëllim të rritjes së efikasitetit në menaxhimin e tyre.

Sipas Shabanit, procesi është përcjellë nga afër së bashku me shefin e autoparkut, Ilaz Rashiti.

“Sot, së bashku me shefin e autoparkut, Ilaz Rashiti, përcollëm nga afër procesin e vendosjes së sistemit GPS në automjetet zyrtare të Komunës së Gjilanit. Ky proces do të mundësojë menaxhim më efikas, duke ndikuar në rritjen e transparencës dhe kontrollit më të mirë të automjeteve komunale”, ka deklaruar Shabani, transmeton 2LONLINE.

Ai ka theksuar se implementimi i këtij sistemi është një hap i rëndësishëm drejt modernizimit të menaxhimit të flotës së automjeteve dhe forcimit të llogaridhënies në përdorimin e aseteve publike. /2LONLINE/