Shabani pjesë e vizitës zyrtare në SHBA, në fokus shkëmbimi i përvojave në mbrojtje dhe emergjenca
Drejtori për Mbrojtje dhe Shpëtim në Komunën e Gjilanit, Enver Shabani, ka qenë pjesë e delegacionit zyrtar të Komunës së Gjilanit gjatë vizitës në qytetin e Sioux City, në shtetin e Iowa-s në Shtetet e Bashkuara të Amerikës.
Gjatë qëndrimit në SHBA, Shabani mori pjesë në vizita dhe takime institucionale, ku u shkëmbyen përvoja dhe praktika në fushën e mbrojtjes dhe shpëtimit, menaxhimit të emergjencave dhe sigurisë publike.
“Vizita shërbeu si mundësi për forcimin e bashkëpunimit ndërinstitucional dhe për krijimin e kontakteve të reja profesionale në funksion të avancimit të kapaciteteve të Drejtorisë për Mbrojtje dhe Shpëtim”, thotë drejtori Enver Shabani.
Po ashtu, sipas tij, ky bashkëpunim synon thellimin e miqësisë dhe partneritetit ndërmjet Gjilan dhe Sioux City, duke hapur mundësi të reja për shkëmbim përvojash dhe bashkëpunim afatgjatë në fusha me interes të përbashkët. /2LONLINE/