Shabani: Jemi këtu duke lexuar në oborr sepse biblioteka është e mbyllur! (video)

Shabani: Jemi këtu duke lexuar në oborr sepse biblioteka është e mbyllur! (video)

Aktivistë të Lëvizjes Vetëvendosje, Qendra në Gjilan, sot përmes një performance në oborrin e Bibliotekës rajonale “Fan S. Noli”, kanë reaguar, për, siç thonë, uzurpimin e bibliotekës së qytetit nga komuna, transmeton Portali 2LONLINE.com.

Duke sjellë karrige me vete dhe improvizuar sallë të leximit në oborrin e bibliotekës, ata thanë se kështu po ngrisin zërin e tyre, për uzurpim të bibliotekës e cila është për lexues e jo për zyrtarë komunal, duke iu referuar asaj që këtu parashihet të vendoset Drejtoria e Kulturës.

Flutura Shabani aktiviste e kësaj Lëvizje tha se bibliotekat në Kosovë janë hapur, mirëpo në bibliotekën e Gjilanit po bëhen punime për t’i përgatitur zyra drejtorisë komunale të kulturës.

“Kjo bibliotekë është donacion nga Bashkimi Evropian. Që nga viti 2006, projekti i bibliotekës është nëpërkëmbur nga pushtete të ndryshme komunale, derisa më në fund më 2017 u finalizua pas 11 vjetësh. Që kur është hapur kjo bibliotekë është përdorur për qëllime të ndryshme nga komuna. Në këtë bibliotekë LDK ka mbajtur takime partiake, tubime të fushatave zgjedhore, e tani po krijohen zyra të drejtorisë komunale të kulturës”, ka thënë Shabani, transmeton 2LONLINE.com.

Ajo tha se në vitin 2019 kishim mbi 4000 lexues te regjistruar në bibliotekë, ndërkohë çdo vit e më pak hapësirë po mbetet për lexuesit. “Mesa duket për Kryetarin tonë, është më e rëndësishme që drejtoritë komunale të kenë zyra luksoze sesa studentët të kenë ku të mësojnë”, shprehet aktivistja e vetëvnedosjes.

Shabani tha se kërkojnë që biblioteka të mos shfrytëzohet më për qëllime politike dhe hapësirat të mos uzurpohen nga politikanët.

“Ne do të vazhdojmë të shprehim pakënaqësinë tonë derisa ajo të mos keqpërdoret më”, ka thënë Flutura Shabani, studente. /2LONLINE.com/

Aktivistët e Lëvizjes VETËVENDOSJE! me një aktivitet, në oborrin e Bibliotekës së Gjilanit, kundërshtojnë, siç thonë, uzurpimin e Bibliotekës nga Komuna.

Gepostet von 2LONLINE.com am Freitag, 26. Juni 2020

KOMENTE