Sfida kampionale Dukagjini – Gjilani përfundoi pa fitues

Sfida kampionale e javës së 21-të, në Albi Mall Superligën e Kosovës në futboll, ndemjet Dukagjinit dhe Gjilanit, përfundoi pa fitues, për më tepër edhe pa gola.

Ndonëse të dyja skuadrat kishin rastet e tyre për shënim, megjithatë 90 minutat lojë nuk prodhuan asnjë gol dhe loja u mbyll me portat e paprekura.

Gjilani, tani edhe me këtë pikë të fituar, ka grumbulluar 28 pikë dhe mbanë pozitën e pestë në tabelën e klasifikimit.

Përndryshe, sot ishte edhe një sfidë tjetër interesante e kësaj jave, dhe më interesante ishte edhe epilogu, pasi Ferizaj mundi Prishtinën (1:0).

Ky rezultat i konvenon skuadrës së Gjilanit, pasi Prishtina, si e katërta në tabelë, ka tani vetëm një pikë më shumë se skuadra kuq e bardhë nga Gjilani.

Gjithsesi, ka akoma ndeshje për t’u zhvilluar deri në fund të kampionatit, por se Gjilani nuk e fshehë ambicien për ta synuar pozitën në tabelë, që e dërgon në garat evropiane, anise ecuria e deritanishme e saj ka qenë e përshkruar me ulje-ngritjet e saja. /2LONLINE/