Sezoni i gjuetisë në Komunën e Kamenicës do të hapet më 2 nëntor

Ndërmarrja Publike Lokale “Dardana”, ka njoftuar qytetarët dhe dashamirë të gjuetisë, se sezoni i gjuetisë në Komunën e Kamenicës do të hapet më datë 02.11.2025.

Kërkohet që të gjithë gjuetarët e interesuar të pajisen me dokumentacionin e nevojshëm për gjueti dhe për ktë mund të paraqiten në zyrën e ndërmarrjes duke filluar nga data 29.10.2025.

“Ju lusim që gjatë zhvillimit të aktiviteteve të gjuetisë të respektoni të gjitha rregullat dhe ligjet në fuqi, si dhe masat për ruajtjen e faunës dhe mjedisit natyror”, thuhet në njoftimin e Ndërmarrjes Publike Lokale “Dardana”.  /2LONLINE/