Sesion informues i dedikuar të drejtave dhe përgjegjësive të të rinjve në tregun e punës

Në kuadër të projektit “Fuqizimi i të Rinjve në Projektim dhe Ndërmarrësi Inovative”, në Gjilan u zhvillua sesioni informues i dedikuar të drejtave dhe përgjegjësive të të rinjve në tregun e punës.

Gjatë sesionit u diskutua mbi kontratat e punës, orarin dhe pushimet, pagën dhe kushtet e punës, sigurinë dhe shëndetin në punë, trajtimin e barabartë dhe mekanizmat institucionalë për mbrojtjen e të drejtave të punëtorëve.

Në cilësinë e guests speakers në këtë sesion morën pjesë: Erlehta Halimi – Oda Ekonomike e Kosovës, Ganimete Emini– Zyrtare për Zhvillim Ekonomik, Komuna e Vitisë, Qendresa Kastrati – Zyrtare për Zhvillim Ekonomik, Komuna e Kamenicës,

Në hapje të aktivitetit kontribuuan me fjalën e tyre: Mediana Bislimi – Drejtoreshë e CCNO-së dhe Kaltrina Salihi – Përfaqësuese e Ministrisë së Zhvillimit Rajonal (MZHR)

Sesioni u udhëhoq nga Lindita Salihu dhe Majlinda Ostrogllava, juriste, të cilat përmes prezantimeve dhe shembujve praktikë ndanë me të rinjtë informacione të rëndësishme mbi të drejtat e tyre në marrëdhënien e punës.

Ky projekt mbeshtetet nga Ministria e Zhvillimit Rajonal dhe implementohet nga CCNO-Center for cooperation and networking of organizations.   /2LONLINE/