Sërish Thaçi fton Kurtin

Presidenti i Republikës së Kosovës, Hashim Thaçi ia ka dërguar edhe një letër kryetarit të Lëvizjes Vetëvendosje, Albin Kurtit.

Presidenti Thaçi e ka falënderuar Kurtin për përgjigjen zyrtare në dy ftesat e para duke e mirëkuptuar pamundësinë e pjesëmarrjes së tij në ato takime, dhe e ka ftuar atë sërish për takim nesër më 31 dhjetor, në orën 10:00.

Në letrën e tij të tretë, presidenti i vendit ka thënë se me qëllim të funksionalizimit sa më të shpejtë të institucioneve të Republikës së Kosovës, do t’i ndërmarrë të gjithë hapat e përcaktuar në Kushtetutë.